أول تعليق من لقاء سويدان بعد مهاجمة بسمة وهبة لها

علقت الفنانة لقاء سويدان على تعرضها لهجوم من لجان اليكترونية، وذلك بعد صفعها للفنان ميدو عادل، أثناء عرض مسرحية سيد درويش، وعن مهاجمة بسمة وهبة لها.

وقالت لقاء سويدان في لايف لها عبر حسابها على موقع الصور والفيديوهات إنستجرام: "مش عايزة أطلع أرد، رغم أني بتهاجم في البرامج، بيتصلوا بيا يقولولي ردي فارفض وأتشتم، حتى لو في خلاف بيني وبين زميل، مش هطلع أشتمه في برنامج دي مش أخلاقي، بيشتموني في البرامج بس عادي ياما ناس أهم وأكبر مني واتشتموا، الموضوع مع جهات تحقيق"

وتابعت: أنا قدمت شكوى في ميدو عادل من أغسطس الماضي، مش عشان في تجاوزات في حقي، لأ دي تجاوزات كتير، أنا واحدة كبيرة وعندي 49 سنة، اشتغلت مع أحمد زكي وسعاد حسني، ورغم أن سني كبير لكن مبسوطة أن ربنا مديني صحة وشكل مناسب مع سني، فإنكم تخوضوا في عرضي دي مش أخلاق، لما تخوضوا في عرضي وفي حياتي الشخصية، أسهل حاجة إن الواحد يجيب لجان الكترونية وترد وتهاجم، أنا مبيفرقش معايا الناس المزيفة، مبيفرقش معايا غير الجمهور الحقيق اللي بيحبني وأصحابي اللي واقفين جمبي.

وعلقت بسمة وهبة على واقعة ميدو عادل ولقاء سويدان قائلة: "موضوع مقزز، وجديد علينا إن فنانة تضرب فنان بالقلم على وشه أو ست تضرب راجل بالقلم وبقول لميدو عادل إنت ساكت ليه، وبقول للقاء سويدان التصرف دا لا يليق بأنثى ولا بفنانة".